ಅಮರ ಕೋಶ - ತೃತೀಯ ಕಾಂಡ - ಪದ ಪಾಠ

ಅಥ ನಾನಾರ್ಥಾವ್ಯಯವರ್ಗಃ

(1440)

ಆಙೀಷದರ್ಥೇಽಭಿವ್ಯಾಪ್ತೌ ಸೀಮಾರ್ಥೇ ಧಾತುಯೋಗಜೇ

ಆಙೀಷದರ್ಥೇ ಅಭಿವ್ಯಾಪ್ತೌ ಸೀಮಾರ್ಥೇ ಧಾತುಯೋಗಜೇ

(1441)

ಆಪ್ರಗೃಹ್ಯಸ್ಸ್ಮೃತೌ ವಾಕ್ಯೇಽಪ್ಯಾಸ್ತು ಸ್ಯಾತ್ಕೋಪಪೀಡಯೋಃ

ಪಾಪಕುತ್ಸೇಷದರ್ಥೇ ಕು ಧಿಙ್ ನಿರ್ಭರ್ತ್ಸನನಿನ್ದಯೋಃ

ಆ ಪ್ರಗೃಹ್ಯಃ ಸ್ಸ್ಮೃತೌ ವಾಕ್ಯೇ ಅಪಿ ಅಸ್ತು ಸ್ಯಾತ್ ಕೋಪ ಪೀಡಯೋಃ

ಪಾಪಕುತ್ಸೇಷತ್ ಅರ್ಥೇ ಕು ಧಿಕ್ ನಿರ್ಭರ್ತ್ಸನ ನಿನ್ದಯೋಃ

(1442)

ಚಾನ್ವಾಚಯಸಮಾಹಾರೇತರೇತರಸಮುಚ್ಚಯೇ

ಸ್ವಸ್ತ್ಯಾಶೀಃ ಕ್ಷೇಮಪುಣ್ಯಾಽಽದೌ ಪ್ರಕರ್ಷೇ ಲಂಘನೇಽಪ್ಯತಿ

ಚ ಅನ್ವಾಚಯ ಸಮಾಹಾರ ಇತರೇತರ ಸಮುಚ್ಚಯೇ

ಸ್ವಸ್ತಿ ಆಶೀಃ ಕ್ಷೇಮಪುಣ್ಯಾಽಽದೌ ಪ್ರಕರ್ಷೇ ಲಂಘನೇಪಿ ಅತಿ

(1443)

ಸ್ವಿತ್ಪ್ರಶ್ನೇ ಚ ವಿತರ್ಕೇ ಚ ತು ಸ್ಯಾದ್ಭೇದೇಽವಧಾರಣೇ

ಸಕೃತ್ ಸಹೈಕವಾರೇ ಚಾಪ್ಯಾರಾದ್ದೂರಸಮೀಪಯೋಃ

ಸ್ವಿತ್ ಪ್ರಶ್ನೇ ಚ ವಿತರ್ಕೇ ಚ ತು ಸ್ಯಾತ್ ಭೇಧೇ ಅವಧಾರಣೇ

ಸಕೃತ್ ಸಹ ಏಕವಾರೇ (ಸ್ಯಾತ್) ಚ ಅಪಿ ಆರಾತ್ ದೂರ ಸಮೀಪಯೋಃ

(1444)

ಪ್ರತೀಚ್ಯಾಂ ಚರಮೇ ಪಶ್ಚಾದುತಾಽಪ್ಯರ್ಥವಿಕಲ್ಪಯೋಃ

ಪುನಸ್ಸಹಾಽರ್ಥಯೋಃ ಶಶ್ವತ್ ಸಾಕ್ಷಾತ್ಪ್ರತ್ಯಕ್ಷತುಲ್ಯಯೋಃ

ಪ್ರತೀಚ್ಯಾಂ ಚರಮೇ ಪಶ್ಚಾತ್ ಉತ ಅಪಿ ಅರ್ಥ ವಿಕಲ್ಪಯೋಃ |

ಪುನಃ ಸಹಾರ್ಥಯೋಃ ಶಶ್ವತ್ ಸಾಕ್ಷಾತ್ ಪ್ರತ್ಯಕ್ಷ ತುಲ್ಯಯೋಃ||

(1445)

ಖೇದಾಽನುಕಮ್ಪಾಸಂತೋಷವಿಸ್ಮಯಾಮನ್ತ್ರಣೇ ಬತ

ಹನ್ತ ಹರ್ಷೇಽಽನುಕಮ್ಪಾಯಾಂ ವಾಕ್ಯಾಽಽರಮ್ಭವಿಷಾದಯೋಃ

ಖೇದಾ ಅನುಕಂಪಾ ಸಂತೋಷ ವಿಸ್ಮಯ ಆಮಂತ್ರಣೇ ಬತ

ಹಂತ ಹರ್ಷೇ ಅನುಕಂಪಾಯಾಂ ವಾಕ್ಯಾರಂಭ ವಿಷಾದಯೋಃ

(1446)

ಪ್ರತಿ ಪ್ರತಿನಿಧೌ ವೀಪ್ಸಾಲಕ್ಷಣಾಽಽದೌ ಪ್ರಯೋಗತಃ

ಇತಿ ಹೇತುಪ್ರಕರಣಪ್ರಕರ್ಷಾಽಽದಿಸಮಾಪ್ತಿಷು

ಪ್ರತಿ ಪ್ರತಿನಿಧೌ ವೀಪ್ಸಾ ಲಕ್ಷಣಾಽಽದೌ ಪ್ರಯೋಗತಃ

ಇತಿ ಹೇತು ಪ್ರಕರಣ ಪ್ರಕರ್ಷಾಽಽದಿ (ಪ್ರಕಾಶಾದಿ/ಪ್ರಕಾರಾದಿ) ಸಮಾಪ್ತಿಷು

(1447)

ಪ್ರಾಚ್ಯಾಂ ಪುರಸ್ತಾತ್ಪ್ರಥಮೇ ಪುರಾಽರ್ಥೇಽಗ್ರತ ಇತ್ಯಪಿ

ಯಾವತ್ತಾವಚ್ಚ ಸಾಕಲ್ಯೇಽವಧೌ ಮಾನೇಽವಧಾರಣೇ

ಪ್ರಾಚ್ಯಾಂ ಪುರಸ್ತಾತ್ ಪ್ರಥಮೇ ಪುರಾಽರ್ಥೇ ಅಗ್ರತ ಇತ್ಯಪಿ

ಯಾವತ್ ತಾವತ್ ಚ ಸಾಕಲ್ಯೇ ಅವಧೌ ಮಾನೇ ಅವಧಾರಣೇ

(1448)

ಮಂಗಲಾಽನನ್ತರಾರಮ್ಭಪ್ರಶ್ನಕಾರ್ತ್ಸ್ನ್ಯೇಷ್ವಥೋ ಅಥ

ವೃಥಾ ನಿರರ್ಥಕಾಽವಿಧ್ಯೋರ್ನಾನಾಽನೇಕೋಭಯಾರ್ಥಯೋಃ

ಮಂಗಲಾ-ಅನಂತರಾ-ಆರಂಭ ಪ್ರಶ್ನಕಾರ್ತ್ಸ್ನ್ಯೇಷು ಅಥೋ ಅಥ|

ವೃಥಾ ನಿರರ್ಥಕಾ ಅವಿಧ್ಯೋ ನಾನಾ ಅನೇಕ ಉಭಯಾರ್ಥಯೋಃ ||

(1449)

ನು ಪೃಚ್ಛಾಯಾಂ ವಿಕಲ್ಪೇ ಚ ಪಶ್ಚಾತ್ಸಾದೃಶ್ಯಯೋರನು

ಪ್ರಶ್ನಾಽವಧಾರಣಾಽನುಜ್ಞಾಽನುನಯಾಽಽಮಂತ್ರಣೇ ನನು

ನು ಪೃಚ್ಛಾಯಾಂ ವಿಕಲ್ಪೇ ಚ ಪಶ್ಚಾತ್ ಸಾದೃಶ್ಯಯೋಃ ಅನು

ಪ್ರಶ್ನಾ ಅವಧಾರಣಾ ಅನುಜ್ಞಾ ಅನುನಯಾ ಆಮಂತ್ರಣೇ ನನು

(1450)

ಗರ್ಹಾಸಮುಚ್ಚಯಪ್ರಶ್ನಶಂಕಾಸಂಭಾವನಾಸ್ವಪಿ

ಉಪಮಾಯಾಂ ವಿಕಲ್ಪೇ ವಾ ಸಾಮಿ ತ್ವರ್ಧೇ ಜುಗುಪ್ಸಿತೇ

ಗರ್ಹಾ ಸಮುಚ್ಚಯ ಪ್ರಶ್ನ ಶಂಕಾ ಸಂಭಾವನಾಸು ಅಪಿ

ಉಪಮಾಯಾಂ ವಿಕಲ್ಪೇ ವಾ ಸ ಆಮಿ (ಸಾಮಿ) ತು ಅರ್ಧೇ ಜುಗುಪ್ಸಿತೇ (ಜುಗುಪ್ಸನೇ)

(1451)

ಅಮಾ ಸಹ ಸಮೀಪೇ ಚ ಕಂ ವಾರಿಣಿ ಚ ಮೂರ್ಧನಿ

ಇವೇತ್ಥಮರ್ಥಯೋರೇವಂ ನೂನಂ ತರ್ಕೇಽರ್ಥನಿಶ್ಚಯೇ

ಅಮಾ ಸಹ ಸಮೀಪೇ ಚ ಕಂ ವಾರಿಣಿ ಚ ಮೂರ್ಧನಿ

ಇವ ಇತ್ಥಂ ಅರ್ಥಯೋಃ ಏವಂ ನೂನಂ ತರ್ಕೇ ಅರ್ಥನಿಶ್ಚಯೇ

(1452)

ತೂಷ್ಣೀಮರ್ಥೇ ಸುಖೇ ಜೋಷಂ ಕಿಂ ಪೃಚ್ಛಾಯಾಂ ಜುಗುಪ್ಸನೇ

ನಾಮ ಪ್ರಾಕಾಶ್ಯಸಂಭಾವ್ಯಕ್ರೋಧೋಪಗಮಕುತ್ಸನೇ

ತೂಷ್ಣೀಮ್ ಅರ್ಥೇ ಸುಖೇ ಜೋಷಂ ಕಿಂ ಪೃಚ್ಛಾಯಾಂ ಜುಗುಪ್ಸನೇ

ನಾಮ ಪ್ರಾಕಾಶ್ಯ ಸಂಭಾವ್ಯ ಕ್ರೋಧ ಉಪಗಮ ಕುತ್ಸನೇ

(1453)

ಅಲಂ ಭೂಷಣಪರ್ಯಾಪ್ತಿಶಕ್ತಿವಾರಣವಾಚಕಮ್

ಹುಂ ವಿತರ್ಕೇ ಪರಿಪ್ರಶ್ನೇ ಸಮಯಾಽನ್ತಿಕಮಧ್ಯಯೋಃ

ಅಲಂ ಭೂಷಣ ಪರ್ಯಾಪ್ತಿ ಶಕ್ತಿವಾರಣ ವಾಚಕಮ್

ಹುಂ ವಿತರ್ಕೇ ಪರಿಪ್ರಶ್ನೇ ಸಮಯಾ ಅಂತಿಕ ಮಧ್ಯಯೋಃ

(1454)

ಪುನರಪ್ರಥಮೇ ಭೇದೇ ನಿರ್ನಿಶ್ಚಯನಿಷೇಧಯೋಃ

ಸ್ಯಾತ್ಪ್ರಬನ್ಧೇ ಚಿರಾಽತೀತೇ ನಿಕಟಾಽಽಗಾಮಿಕೇ ಪುರಾ

ಪುನರ್ -ಅಪ್ರಥಮೇ ಭೇದೇ ನಿರ್-ನಿಶ್ಚಯ-ನಿಷೇಧಯೋಃ

ಸ್ಯಾತ್ ಪ್ರಬಂಧೇ ಚಿರಾ ಅತೀತೇ ನಿಕಟಾ ಆಗಾಮಿಕೇ ಪುರಾ

(1455)

ಊರರ್ಯೂರೀ ಚೋರರೀ ಚ ವಿಸ್ತಾರೇಽಂಗೀಕೃತೌ ತ್ರಯಮ್

ಸ್ವರ್ಗೇ ಪರೇ ಚ ಲೋಕೇ ಸ್ವರ್ವಾರ್ತಾಸಂಭಾವ್ಯಯೋಃ ಕಿಲ

ಊರರೀ ಊರೀ ಚ ಉರರೀ ಚ ವಿಸ್ತಾರೇ ಅಂಗೀಕೃತೌ ತ್ರಯಮ್

ಸ್ವರ್ಗೇ ಪರೇ ಚ ಲೋಕೇ (ಸ್ವೋ)ಸ್ವರ್ ವಾರ್ತಾ ಸಂಭಾವ್ಯಯೋಃ ಕಿಲ

(1456)

ನಿಷೇಧವಾಕ್ಯಾಽಲಂಕಾರಜಿಜ್ಞಾಸಾಽನುನಯೇ ಖಲು

ಸಮೀಪೋಭಯತಶ್ಶೀಘ್ರಸಾಕಲ್ಯಾಽಭಿಮುಖೇಽಭಿತಃ

ನಿಷೇಧವಾಕ್ಯಾ ಅಲಂಕಾರ ಜಿಜ್ಞಾಸಾ ಅನುನಯೇ ಖಲು

ಸಮೀಪೋ ಭಯತಃ-ಶೀಘ್ರ-ಸಾಕಲ್ಯಾ-ಅಭಿಮುಖೇ-ಅಭಿತಃ

(1457)

ನಾಮಪ್ರಾಕಾಶ್ಯಯೋಃ ಪ್ರಾದುರ್ಮಿಥೋಽನ್ಯೋನ್ಯಂ ರಹಸ್ಯಪಿ

ತಿರೋಽನ್ತರ್ಧೌ ತಿರ್ಯಗರ್ಥೇ ಹಾ ವಿಷಾದಶುಗರ್ತಿಷು

ನಾಮ-ಪ್ರಾಕಾಶ್ಯಯೋಃ ಪ್ರಾದುಃ-ಮಿಥೋ-ಅನ್ಯೋನ್ಯಂ ರಹಸ್ಯಪಿ

ತಿರೋ ಅಂತರ್ಧೌ ತಿರ್ಯಗರ್ಥೇ ಹಾ ವಿಷಾದಶುಗರ್ತಿಷು (ಗಾರ್ತಿಷು)

(1458)

ಅಹಹೇತ್ಯದ್ಭುತೇ ಖೇದೇ ಹಿ ಹೇತಾವವಧಾರಣೇ

ಅಹಹ ಇತಿ ಅದ್ಭುತೇ ಖೇದೇ ಹಿ ಹೇತೌ ಅವಧಾರಣೇ

ಇತಿ ನಾನಾರ್ಥಾವ್ಯಯವರ್ಗಃ

ಅಥ ಆವ್ಯಯವರ್ಗಃ

(1458)

ಚಿರಾಯ ಚಿರರಾತ್ರಾಯ ಚಿರಸ್ಯಾದ್ಯಾಶ್ಚಿರಾಽರ್ಥಕಾಃ

ಚಿರಾಯ ಚಿರರಾತ್ರಾಯ ಚಿರಸ್ಯ ಆದ್ಯಾಃ ಚಿರಾಽರ್ಥಕಾಃ

(1459)

ಮುಹುಃ ಪುನಃ ಪುನಃ ಶಶ್ವದಭೀಕ್ಷ್ಣಮಸಕೃತ್ ಸಮಾಃ

ಸ್ರಾಗ್ ಝಟಿತ್ಯಂಜಸಾಽಹ್ನಾಯ ದ್ರಾಙ್ಮಂಕ್ಷು ಸಪದಿ ದ್ರುತೇ

ಮುಹುಃ ಪುನಃ ಪುನಃ ಶಶ್ವತ್ ಅಭೀಕ್ಷ್ಣಮ್ ಅಸಕೃತ್ ಸಮಾಃ

ಸ್ರಾಕ್ ಝಟಿತಿ ಅಂಜಸಾ ಆಹ್ನಾಯ ದ್ರಾಕ್ ಮಂಕ್ಷು ಸಪದಿ ದ್ರುತೇ

(1460)

ಬಲವತ್ಸುಷ್ಠು ಕಿಮುತ ಸ್ವತ್ಯತೀವ ಚ ನಿರ್ಭರೇ

ಪೃಥಗ್ ವಿನಾಽನ್ತರೇಣರ್ತೇ ಹಿರುಙ್ನಾನಾ ಚ ವರ್ಜನೇ

ಬಲವತ್ ಸುಷ್ಠು ಕಿಮುತ ಸು ಅತಿ ಅತೀವ ಚ ನಿರ್ಭರೇ

ಪೃಥಕ್ ವಿನಾ ಅಂತರೇಣ ಋತೇ ಹಿರುಕ್  ನಾನಾ ಚ ವರ್ಜನೇ

(1461)

ಯತ್ತದ್ಯತಸ್ತತೋ ಹೇತಾವಸಾಕಲ್ಯೇ ತು ಚಿಚ್ಚನ

ಕದಾಚಿಜ್ಜಾತು ಸಾರ್ಧಂ ತು ಸಾಕಂ ಸತ್ರಾ ಸಮಂ ಸಹ

ಯತ್-ತತ್-ಯತಃ -ತತಃ ಹೇತೌ ಅಸಾಕಲ್ಯೇ ತು ಚಿತ್ ಚನ

ಕದಾಚಿತ್ ಜಾತು ಸಾರ್ಧಂ ತು ಸಾಕಂ ಸತ್ರಾ ಸಮಂ ಸಹ

(1462)

ಆನುಕೂಲ್ಯಾಽರ್ಥಕಂ ಪ್ರಾಧ್ವಂ ವ್ಯರ್ಥಕೇ ತು ವೃಥಾ ಮುಧಾ

ಆಹೋ ಉತಾಹೋ ಕಿಮುತ ವಿಕಲ್ಪೇ ಕಿಂ ಕಿಮೂತ ಚ

ಆನುಕೂಲೀ ಆರ್ಥಕಂ ಪ್ರಾಧ್ವಂ ವ್ಯರ್ಥಕೇ ತು ವೃಥಾ ಮುಧಾ

ಆಹೋ ಉತ ಅಹೋ ಕಿಮುತ ವಿಕಲ್ಪೇ ಕಿಂ ಕಿಮೂತ ಚ

(1463)

ತು ಹಿ ಚ ಸ್ಮ ಹ ವೈ ಪಾದಪೂರಣೇ ಪೂಜನೇ ಸ್ವತಿ

ದಿವಾಽಹ್ನೀತ್ಯಥ ದೋಷಾ ಚ ನಕ್ತಂ ಚ ರಜನಾವಿತಿ

ತು ಹಿ ಚ ಸ್ಮ ಹ ವೈ ಪಾದಪೂರಣೇ ಪೂಜನೇ ಸು ಅತಿ

ದಿವಾ ಅಹ್ನೀ ಇತಿ ಅಥ ದೋಷಾ ಚ ನಕ್ತಂ ಚ ರಜನೌ ಇತಿ

(1464)

ತಿರ್ಯಗರ್ಥೇ ಸಾಚಿ ತಿರೋಽಪ್ಯಥ ಸಂಬೋಧನಾರ್ಥಕಾಃ

ಸ್ಯುಃ ಪ್ಯಾಟ್ ಪಾಡಂಗ ಹೇ ಹೈ ಭೋಃ ಸಮಯಾ ನಿಕಷಾ ಹಿರುಕ್

ತಿರ್ಯಕ್ ಅರ್ಥೇ ಸಾಚಿ ತಿರೋ ಅಪಿ ಅಥ  ಸಂಬೋಧನಾರ್ಥಕಾಃ

ಸ್ಯುಃ ಪ್ಯಾಟ್ ಪಾಡಂಗ ಹೇ ಹೈ ಭೋಃ ಸಮಯಾ ನಿಕಷಾ ಹಿರುಕ್

(1465)

ಅತರ್ಕಿತೇ ತು ಸಹಸಾ ಸ್ಯಾತ್ ಪುರಃ ಪುರತೋಽಗ್ರತಃ

ಸ್ವಾಹಾ ದೇವಹವಿರ್ದಾನೇ ಶ್ರೌಷಡ್ವೌಷಡ್ವಷಟ್ಸ್ವಧಾ

ಅತರ್ಕಿತೇ ತು ಸಹಸಾ ಸ್ಯಾತ್ ಪುರಃ ಪುರತೋ ಅಗ್ರತಃ

ಸ್ವಾಹಾ ದೇವಹವಿರ್ದಾನೇ ಶ್ರೌಷಟ್ ವೌಷಟ್ ವಷಟ್ ಸ್ವಧಾ

(1466)

ಕಿಂಚಿದೀಷನ್ ಮನಾಗಲ್ಪೇ ಪ್ರೇತ್ಯಾಽಮುತ್ರ ಭವಾಽನ್ತರೇ

ವ ವಾ ಯಥಾ ತಥೇವೈವಂ ಸಾಮ್ಯೇಽಹೋ ಹೀ ಚ ವಿಸ್ಮಯೇ

ಕಿಂಚಿತ್ ಈಷತ್ ಮನಾಕ್ ಅಲ್ಪೇ ಪ್ರೇತ್ಯಾ ಅಮುತ್ರ ಭವಾಽನ್ತರೇ

ವ ವಾ ಯಥಾ ತಥಾ ಏವ ಏವಂ ಸಾಮ್ಯ ಅಹೋ ಹೀ ಚ ವಿಸ್ಮಯೇ

(1467)

ಮೌನೇ ತು ತೂಷ್ಣೀಂ ತೂಷ್ಣೀಕಾಂ ಸದ್ಯಃ ಸಪದಿ ತತ್ಕ್ಷಣೇ

ದಿಷ್ಟ್ಯಾ ಸಮುಪಜೋಷಂ ಚೇತ್ಯಾನನ್ದೇಽಥಾಽನ್ತರೇಽನ್ತರಾ

ಮೌನೇ ತು ತೂಷ್ಣೀಂ ತೂಷ್ಣೀಕಾಂ ಸದ್ಯಃ ಸಪದಿ ತತ್ಕ್ಷಣೇ

ದಿಷ್ಟ್ಯಾ ಸಮುಪಜೋಷಂ ಚ ಇತಿ ಆನಂದೇ ಅಥಾಂತರೇ ಅಂತರಾ

(1468)

ಅಂತರೇಣ ಚ ಮಧ್ಯೇ ಸ್ಯುಃ ಪ್ರಸಹ್ಯ ತು ಹಠಾರ್ಥಕಮ್

ಯುಕ್ತೇ ದ್ವೇಸಾಂಪ್ರತಂ ಸ್ಥಾನೇಽಭೀಕ್ಷ್ಣಂ ಶಶ್ವದನಾರತೇ

ಅಂತರೇಣ ಚ ಮಧ್ಯೇ ಸ್ಯುಃ ಪ್ರಸಹ್ಯ ತು ಹಠಾರ್ಥಕಮ್

ಯುಕ್ತೇ ದ್ವೇ ಸಾಂಪ್ರತಂ ಸ್ಥಾನೇ ಅಭೀಕ್ಷ್ಣಂ ಶಶ್ವತ್ ಅನಾರತೇ

(1469)

ಅಭಾವೇ ನಹ್ಯ ನೋ ನಾಽಪಿ ಮಾ ಸ್ಮ ಮಾಽಲಂ ಚ ವಾರಣೇ

ಪಕ್ಷಾಽನ್ತರೇ ಚೇದ್ಯದಿ ಚ ತತ್ತ್ವೇ ತ್ವದ್ಧಾಂಜಸಾ ದ್ವಯಮ್

ಅಭಾವೇ ನಹಿ ಅ ನೋ ನ ಅಪಿ ಮಾ ಸ್ಮ ಮಾ ಅಲಂ ಚ ವಾರಣೇ

ಪಕ್ಷಾಂತರೇ ಚೇತ್ ಯದಿ ಚ ತತ್ತ್ವೇ ತ್ವತ್ ಅದ್ಧಾ ಅಂಜಸಾ ದ್ವಯಮ್

(1470)

ಪ್ರಕಾಶೇ ಪ್ರಾದುರಾವಿ ಸ್ಯಾದೋಮೇವಂ ಪರಮಂ ಮತೇ

ಸಮನ್ತತಸ್ತು ಪರಿತಃ ಸರ್ವತೋ ವಿಷ್ವಗಿತ್ಯಪಿ

ಪ್ರಕಾಶೇ ಪ್ರಾದುಃ ಆವಿಃ ಸ್ಯಾತ್ ಓಂ ಏವಂ ಪರಮಂ ಮತೇ

ಸಮಂತಃ ತು ಪರಿತಃ ಸರ್ವತೋ ವಿಷ್ವಕ್ ಇತ್ಯಪಿ

(1471)

ಅಕಾಮಾಽನುಮತೌ ಕಾಮಮಸೂಯೋಪಗಮೇsಸ್ತು ಚ

ನನು ಚ ಸ್ಯಾದ್ವಿರೋಧೋಕ್ತೌ ಕಚ್ಚಿತ್ ಕಾಮಪ್ರವೇದನೇ

ಅಕಾಮಾ ಅನುಮತೌ ಕಾಮಮ್ ಅಸೂಯಾ ಉಪಗಮೇ ಅಸ್ತು ಚ

ನನು ಚ ಸ್ಯಾತ್ ವಿರೋಧೋಕ್ತೌ ಕಚ್ಚಿತ್ ಕಾಮಪ್ರವೇದನೇ

(1472)

ನಿಃಷಮಂ ದುಃಷಮಂ ಗರ್ಹ್ಯೇ ಯಥಾಸ್ವಂ ತು ಯಥಾಯಥಮ್

ಮೃಷಾ ಮಿಥ್ಯಾ ಚ ವಿತಥೇ ಯಥಾರ್ಥಂ ತು ಯಥಾತಥಮ್

ನಿಃಷಮಂ ದುಃಷಮಂ ಗರ್ಹ್ಯೇ ಯಥಾಸ್ವಂ ತು ಯಥಾಯಥಮ್

ಮೃಷಾ ಮಿಥ್ಯಾ ಚ ವಿತಥೇ ಯಥಾರ್ಥಂ ತು ಯಥಾತಥಮ್

(1473)

ಸ್ಯುರೇವಂ ತು ಪುನರ್ವೈ ವೇತ್ಯವಧಾರಣವಾಚಕಾಃ

ಪ್ರಾಗತೀತಾಽರ್ಥಕಂ ನೂನಮವಶ್ಯಂ ನಿಶ್ಚಯೇ ದ್ವಯಮ್

ಸ್ಯುಃ ಏವಂ ತು ಪುನಃ ವೈ ವಾ ಇತಿ ಅವಧಾರಣವಾಚಕಾಃ

ಪ್ರಾಕ್ ಅತೀತಾಽರ್ಥಕಂ ನೂನಮ್ ಅವಶ್ಯಂ ನಿಶ್ಚಯೇ ದ್ವಯಮ್

(1474)

ಸಂವದ್ ವರ್ಷೇಽವರೇ ತ್ವರ್ವಾಗಾಮೇವಂ ಸ್ವಯಮಾತ್ಮನಾ

ಅಲ್ಪೇ ನೀಚೈರ್ಮಹತ್ಯುಚ್ಚೈಃ ಪ್ರಾಯೋ ಭೂಮ್ನ್ಯದ್ರುತೇ ಶನೈಃ

ಸಂವತ್ ವರ್ಷೇಽವರೇ ತು ಅರ್ವಾಚ್ ಆಮ್ ಏವಂ ಸ್ವಯಮಾತ್ಮನಾ

ಅಲ್ಪೇ ನೀಚೈಃ-ಮಹತಿ-ಉಚ್ಚೈಃ ಪ್ರಾಯೋ ಭೂಮ್ನ್ಯದ್ರುತೇ ಶನೈಃ

(1475)

ಸನಾ ನಿತ್ಯೇ ಬಹಿರ್ಬಾಹ್ಯೇ ಸ್ಮಾತೀತೇಽಸ್ತಮದರ್ಶನೇ

ಅಸ್ತಿ ಸತ್ವೇ ರುಷೋಕ್ತಾವು ಊಂ ಪ್ರಶ್ನೇಽನುನಯೇ ತ್ವಯಿ

ಸನಾ ನಿತ್ಯೇ ಬಹಿರ್ಬಾಹ್ಯೇ ಸ್ಮ ಅತೀತೇ ಅಸ್ತಮದರ್ಶನೇ

ಅಸ್ತಿ ಸತ್ವೇ ರುಷೋಕ್ತೌ ಉ ಊಂ ಪ್ರಶ್ನೇ ಅನುನಯೇ ತು ಅಯಿ

(1476)

ಹುಂ ತರ್ಕೇ ಸ್ಯಾದುಷಾ ರಾತ್ರೇರವಸಾನೇನಮೋ ನತೌ

ಪುನರರ್ಥೇಂಗ ನಿಂದಾಯಾಂ ದುಷ್ಠು ಸುಷ್ಠು ಪ್ರಶಂಸನೇ

ಹುಂ ತರ್ಕೇ ಸ್ಯಾತ್ ಉಷಾ ರಾತ್ರೇ-ಅವಸಾನೇ-ನಮೋ ನತೌ

ಪುನರರ್ಥೇ ಅಂಗ ನಿಂದಾಯಾಂ ದುಷ್ಠು ಸುಷ್ಠು ಪ್ರಶಂಸನೇ

(1477)

ಆಮಾಽನುಗುಣ್ಯೇ ಸ್ಮರಣೇಽಯೇ ಫಡ್ವಿಘ್ನನಿರಾಕೃತೌ

ಅಂಗೀಕೃತೌ ಸ್ಯಾದಥಕಿಂ ಹೀನಸಂಬೋಧನೇ ತು ರೇ

ಆಮ್ ಆನುಗುಣ್ಯೇ ಸ್ಮರಣೇ ಯೇ ಫಟ್ ವಿಘ್ನನಿರಾಕೃತೌ

ಅಂಗೀಕೃತೌ ಸ್ಯಾತ್ ಅಥ ಕಿಂ ಹೀನಸಂಬೋಧನೇ ತು ರೇ

(1478)

ಸಾಯಂ ಸಾಯೇ ಪ್ರಗೇ ಪ್ರಾತಃ ಪ್ರಭಾತೇ ನಿಕಷಾಽನ್ತಿಕೇ

ಪರುತ್ ಪರಾರ್ಯೈಷಮೋಽಬ್ದೇ ಪೂರ್ವೇ ಪೂರ್ವತರೇ ಯತಿ

ಸಾಯಂ ಸಾಯೇ ಪ್ರಗೇ ಪ್ರಾತಃ ಪ್ರಭಾತೇ ನಿಕಷಾ ಅಂತಿಕೇ

ಪರುತ್-ಪರಾರಿ ಐಷಮೋಽಬ್ದೇ ಪೂರ್ವೇ ಪೂರ್ವತರೇ ಯತಿ

(1479)

ಅದ್ಯಽತ್ರಾಽಹ್ನ್ಯಥ ಪೂರ್ವೇಽಹ್ನೀತ್ಯಾದೌ ಪೂರ್ವೋತ್ತರಾಪರಾತ್

ತಥಾಽಧರಾಽನ್ಯಾಽನ್ಯತರೇತರಾತ್ಪೂರ್ವೇದ್ಯುರಾಽಽದಯಃ

ಅದ್ಯ ಅತ್ರಾ ಅಹ್ನೀ ಅಥ ಪೂರ್ವೇಽಹ್ನಿ ಇತಿ ಆದೌ ಪೂರ್ವೋತ್ತರ ಅಪರಾತ್

ತಥಾ ಅಧರಾನಿ ಅನ್ಯತರ ಇತರಾತ್ ಪೂರ್ವೇದ್ಯುಃ ಆದಯಃ #

(1480)

ಉಭಯದ್ಯುಶ್ಚೋಭಯೇದ್ಯುಃ ಪರೇತ್ವಹ್ನಿ ಪರೇದ್ಯವಿ

ಹ್ಯೋ ಗತೇಽನಾಗತೇಽಹ್ನಿ ಶ್ವಃ ಪರಶ್ವಸ್ತು ಪರೇಽಹನಿ

ಉಭಯದ್ಯುಃ ಚ ಉಭಯೇದ್ಯುಃ ಪರೇತು ಅಹ್ನಿ ಪರೇದ್ಯವಿ

ಹ್ಯಃ ಗತೇ-ಅನಾಗತೇ- ಅಹ್ನಿ ಶ್ವಃ ಪರಶ್ವಃ ತು ಪರೇ ಅಹನಿ

(1481)

ತದಾ ತದಾನೀಂ ಯುಗಪದೇಕದಾ ಸರ್ವದಾ ಸದಾ

ಏತರ್ಹಿ ಸಮ್ಪ್ರತೀಽದಾನೀಮಧುನಾ ಸಾಮ್ಪ್ರತಂ ತಥಾ

ತದಾ ತದಾನೀಂ ಯುಗಪತ್ ಏಕದಾ ಸರ್ವದಾ ಸದಾ

ಏತರ್ಹಿ ಸಂಪ್ರತಿ ಇದಾನೀಮ್ ಅಧುನಾ ಸಾಂಪ್ರತಮ್ ತಥಾ

(1482)

ದಿಗ್ದೇಶಕಾಲೇ ಪೂರ್ವಾದೌ ಪ್ರಾಗುದಕ್ಪ್ರತ್ಯಗಾದಯಃ

ದಿಕ್ ದೇಶಕಾಲೇ ಪೂರ್ವ ಆದೌ ಪ್ರಾಕ್ ಉದಕ್ ಪ್ರತ್ಯಕ್ ಆದಯಃ

ಇತ್ಯವ್ಯಯವರ್ಗಃ